ਅੰਨੀ ਹੈ ਇਹ ਸੁਨੱਖੇ ਨੈਣਾਂ ਵਾਲੀ ਦੁਨੀਆਂ ਕੋਰੀ ਅੰਨੀ – Sonia Bharti

ਅੰਨੀ ਹੈ ਇਹ ਸੁਨੱਖੇ ਨੈਣਾਂ ਵਾਲੀ ਦੁਨੀਆਂ ਕੋਰੀ ਅੰਨੀ 
ਦੇਖ ਕੇ ਵੀ ਅਨਦੇਖਾ ਕਰਦੀ ਹੈ 
ਗਲਤ ਨੂੰ ਜ਼ੁਲਮ ਨੂੰ 
ਅਤਿਆਚਾਰ ਤੇ ਪਾਪ ਨੂੰ 
ਮਚਲੀ ਜਿਹੀ ਦੁਨੀਆਂ 
ਇਸਨੂੰ ਦਿਸਦਾ ਹੈ ਤਾਂ ਬਸ ਉਹ 
ਜੋ ਇਹ ਦੇਖਣ ਦੀ ਲਾਲਸਾ ਰਖਦੀ ਹੈ
ਪਾਟੇ ਕਪੜਿਆਂ ਚੋਂ ਝਾੰਕਦੇ ਅੰਗ
ਜੋਬਨ ਰੁੱਤੇ ਖੜੀ ਸੋਹਨੀ ਮੁਟਿਆਰ ਦੀ ਸਰੀਰਕ ਬਣਤਰ
ਤੇ ਕੋਈ ਐਸੀ ਜਗਾਹ ਜਿਥੇ ਇਹਨਾਂ ਅੰਗਾਂ ਨੂੰ ਨੋਚਿਆਂ ਮਸਲਿਆ ਜਾ ਸਕੇ
ਲੁਚ ਸੇਕਦੀਆਂ ਵਹਿਸ਼ੀ ਅੱਖਾਂ
ਡਰਾਉਣੀਆਂ
ਭੁੱਖੀਆਂ ਅੱਖਾਂ
ਤੇ ਅੰਨੇ ਨੇ ਉਹ ਲੋਕ ਜੋ ਇਹ ਨਹੀਂ ਦੇਖਦੇ
ਯਾਂ ਦੇਖ ਕੇ ਮਚਲੇ ਹੋ ਜਾਂਦੇ ਨੇ
ਬਹਾਨਾਂ ਕਰਦੇ ਨੇ ਨਾ ਦੇਖਣ ਦਾ
ਬੋਲੇ ਨੇ ਇਹਨਾਂ ਦੇ ਕੰਨ
ਜੋ ਸੁਣਦੇ ਨਹੀਂ ਪੁਕਾਰ
ਚੀਖ ਤੇ ਸਿਸਕੀਆਂ
ਦਰਦ ਭਰੀਆਂ
ਔਰਤ ਦੀ ਪੀੜ ਤੇ ਦੁਖ
ਕਿਉਂਕਿ ਉਸਨੂੰ ਤਾਂ ਗੂੰਗੀ ਕੀਤਾ ਹੋਇਆ ਹੈ
ਅਸੂਲਾਂ ਦੀ ਪੱਟੀ ਨੇ ਗਲਾ ਘੁੱਟਿਆ ਹੈ
ਤੇ ਪਾਬੰਦੀਆਂ ਨੇ ਜੀਭ ਵੱਡੀ ਹੋਈ ਹੈ
ਬੋਲੇ ਕੰਨਾ ਨੂੰ ਵਾਜੇ ਨਹੀਂ ਸੁਣਦੇ
ਗੂੰਗਾ ਤਾ ਫਿਰ ਕੋਸ਼ਿਸ਼ ਕਰਦਾ ਹੈ ਊਂ ਆਂ ਕਰਕੇ ਕੁਝ ਸਮਝਾਉਣ ਦੀ
ਇਹ ਗੂੰਗੀ ਬੇਜ਼ੁਬਾਨ ਅੱਗ
ਸੁਲਗ ਰਹੀ ਹੈ
ਭਾਂਬੜ ਮਚਾਉਣ ਨੂੰ
ਸਬ ਰਾਖ ਕਰ ਸੁੱਟੇਗੀ ਇਸ ਦੀ ਦੱਬੀ ਅੱਗ
ਤੇ ਫਿਰ ਪਛਤਾਉਂਦੇ ਰਿਹ ਜਾਣਗੇ
ਸੜੇ ਭੁਝੇ ਝੁਲਸੇ ਤੇ ਖਾਕ ਹੋਏ ਅਸੂਲ ਤੇ ਲੋਕ ਵੀ ….SONIA BHARTI